‘);
}

النكت السورية

تعتبر النّكت السورية من أجمل النكت؛ فهي تصف بعض المواقف بأسلوبٍ طريف ومضحك، كما هو الحال في أغلب النكت في العالم، ويرجع سبب وجود النكتة إلى تلطيف الأجواء، وإضفاء الطّرافة على الموجودين، وفي هذا المقال بعض النكت السورية.

أجمل النكت السورية القصيرة

  • وحدة طبخت لجوزها ملوخية، وتاني يوم خبيزة، وثالث يوم سبانخ، رابع يوم قالتله شو أطبخلك حبيبي؟ قال لها: بلا اليوم أنا برعى لحالي.
  • في مدرس سأل طالب: بكرا إنت لما تكبر شو بدك تصير؟ قله: ختيار.
  • وحدة عم تقول لزوجها: يا ريتني أخدت إبليس ولا أخدتك، قلها: ما بجوز أخ ياخد أخته.
  • الأب:شو؟ الابن: رسوب، الأب: معقول ترسب سنتين؟ الابن: شو بساوي أسئلة هالسنة كانت متل أسئلة السنة الماضية!
  • تنين من الحشاشين خطر ببال الأول أن يقول حكمة، فقال: قلي من صديقك أقول لك من انت، فقال الثاني: من صديقك؟ رد الأوّل: من أنت؟
  • راح شامي لعند بياع فلافل محشش، قال: أعطيني 3 ساندوتشات فلافل بدون مخلل، قاله البياع : ما عندي مخلل، ساويلك ياهن بدون بندورة؟
  • واحد بخيل اتفق هو ومرته الحامل، إذا إجاهم ولد يسموه مبروك، قام وقت ولدت المرة، طلعت الممرضة عم بتقول: ألف ألف مبروك، قال: أوف وين بدي أروح فيون هادول كلون؟
  • في طالبين وصلوا المدرسة متأخرين، سأل الأستاذ واحد منهم وهو غضبان: وينك لهلأ؟ قاله وهو عم يبكي: في ليرة ضاعتلي وكنت عم دور عليها، وما معي غيرها مصروف، وسأل التاني: وأنت وينك لهلأ ليش متأخر؟ قاله: كنت داعس عالليرة!
  • مرة واحد وجعه ضرسه، قام راح إلى طبيب نذل، قام الدكتور خلعله كل أسنانه عدا الضرس المنخور، انصدم المريض وقاله شو عملت؟قاله إيه خليه مثل الكلب لحاله!
  • في واحد نذل اتصل بالإطفاء، وقال شو إذا ما في حريق ما منشوفكن؟
  • نذل راح يشيع بجنازة، سأل واحد: شو بيشتغل الميت؟ قال: يحفر قبور، قال النذل: سبحان الله من حفر حفرة لاخيه وقع فيها
  • إيمتى بتلاقي كلمة إخرااس حلوة؟ لما توصي حدا على أغراض وتقولو أديش طلع حقون؟ ويقولك: خلص إخرااس، لك أنا يلي بخرس يا حبيب قلبي..