رسائل عن العتاب

‘);
}

العتاب كما يقال صابون القلب وذلك لأن المعاتب لا يستطيع إبقاء شيئاً بقلبه لأن قلبه لا يعرف الحقد ولكن إذا كان العتاب على كل شيء يصبح وسيلة منفرة، وهنا لكم في مقالي رسائل عن العتاب.

لا تنصدم لا قلت أنا اليوم ما بيك القلب عافك وأنتهى اليوم دورك أعميتني بحبك عسى الله يعميك ورميتني يا زين بأعمق بحورك يلا توكل لا تجيني ولا جيك يلا حبيبي قوم رتب امورك.
بعد الخيانه إنتهت رغبتي فيك وأن كنت تذكرنا ترانا نسياك يشهد علي الله لا حل طاريك يروق قلبي لكن أذكر سواياك.
لا صار وقتك هنا ومتوسع صدرك أشوف عني تصد ما تلتفت فيني ولا صار وقتك ملل وضايق خلقك تنسى جميع البشر وتتصل فيني.

‘);
}

أضحك وكني رايق البال خالي.. والناس تحسدني وأنا أموت بسكات.. أقضي نهاري بالمزح والتسالي.. وأسهر ليلي في هموم ومعانات.. غريبة هالدنيا على كل حالي.. الحزن دايم والفرح بس لحظات.

إذا طبعك كذا ما أبيك.. بترضى وإلا ما يرضيك.. نصيحة لا تزودها، ترى أسويها، وأخليك أنا كلي أجي لا جيت وأبيع الدنيا لي حبيت ولكن تدري وش عيبي إذا صديت أنا، صديت.

طبعك تغير وما لقينا له أسباب ولاني مقصر فيك ولاني بحافي كنك على فرقاي تفتح لي باب أقسى علي وما جرى منك كافي.

إن كان غيري في غيابك يسليك خلك معه ولا تتركه الله يخليك سهل إنك تنساني لكن صعب إنك تمحيني من قلبك وبالك لأني وياك مثل القلب وروح ما لهم غنى عن بعض إذا مات القلب تموت معاه الروح.

ما بيني وبينك مشاريه وعتاب شف دربك اللي جيت منه تدله ما راح تغلبني لو الحب غلاب من حضرتك عشان قلبي تذله كنت القريب وكلهم أغراب حتى القمر لا غاب شفتك محله رح وأعتبرني واحد أذنب وتاب ماني بثوب تلبسه ثم تمله.

جرحتني جرح مو مثل الجروح يجوز يشفى الجرح بس الأثر ما يروح.

وش أسوي دام قلبك ما يبيني دائماً يهوا فراقي والزعل يبتعد لجلك أنا يا نور عيني وبالمهل ببعد حبيبي بالمهل أسفن إن قل في حبك حنيني والجراح اللي بقلبك تنذبل لك وعد مني أبد متشوف شيني إلا أنا واحد عشق شخص وفشل.

ليتهم بعد موتي في بيتكم يدفنوني.. وتبكي على قبري بالنهار وكل ما حل السكوني.. وتقول هذا اللي أمس كان مجنوني.. ردوه بس ثواني بين شجوني.. وبيقولون الميت راح وما يقول إلا أرحموني.

أكيد أنا بنساك يوم من الأيام بس متى يوم البشر عند القبر يدفنوني.

أجرح مدام الجرح فيني يسليك أجرح عساك أنت السبب في وفاتي.

ما حيد عمري يوم قصرت ولا حيد عمري كنت قاسي ولا حيد في طبعي تغيرت ولا كنت أسعى للخلافي منك الجفى لا ما توقعت في ظنتي إنك مرادي.

أبشرك جرحك ثمن غلطتي فيك ولا أنت ما تجبر على حبك إنسان اليوم لا بشكي ولا بندم عليك فعلك مضارع بس حبك خبر كان عن قسوتك ما عملت قسوه أيديك صحيح كل اللي يحبون عميان.

إذا هان عليك أيام من غير سماع صوتي بيهون عليك الحال لين تسمع خبر موتي.

قصدك إني أتنازل لك وأجيك وأنحني من عقب ما قلت الوداع مثل ما أنته ما تبيني ما أبيك المحبه ما بها غش وخداع.

لا تكثر بحكيك ترى دربك أشواك يا حفي الرجلين ثمن كلامك وأذكر زمان أول وأيام بلواك من سنعك للناس وعدل مقامك لا يفلت لسانك على شخص رباك أنا بنيتك وماني عاجز أهدمك.

وفر كلامك وورني عرض الأكتاف قلبي كره هجرك ولا هو بمجبروا ترى القلوب بطبعها شي شفاف الكسر فيها صعب تلقلا له جبور ولا تحسب إني من الهجر بخاف يا شيخ خذ حبك وقلبك ومشكور.

غيبتي طالت ولا همك جفاي وكنت عايش في أمل تسأل علي من غلاك أحسبك عايش معاي وأنت ما همك ولو طال زعلي أنت مالك ذنب هذا من غباي ناسي.. وأحسبك تتغلى غبي.

عزاه صرنا نلتقي مثل الأغراب.. عقب الغلا كلن بوجه يصدي.. من عقب ما حنا عزيزين وأصحاب.. اليوم كلن صد قصده تحدي.. لكن يطول الوقت وتعرف الأسباب.. تندم على وقت مضى كنت ضدي.

تحسب أنه بغيابك بذكرك في كل حزه.. وأتندم.. وأترجى..وأعتذر.. وأبوس راسك.. للأسف كنت زقاره تنتهي في كم مزه.. وأنتهيت وما طفيتك وأحرقك غيري وداسك.

لحظة حبيبي وقف هناك بالدور.. ما نيب فاضي يمكن أفضي لك شوي لازم تذوق المر وتعيش مكسور.. وأكويك من جمر الهوى لاغدى حي.. ولو بعتلي عمرك فلا قلت مشكور.. لأنك بعيني صرت كلك ولا شي.

هذي هي الدنيا متاهات وأحزان كلن يدور راحته ما لقاها تبي لها صبر مع شوي نسيان مع ضحكة تخفي دموعك وراها.

أتخيلك جنبي وأنا أهتف بمسمعك أقول أحبك خلك اليوم شاهد يقطع زمان الحب كله ويقطعك من كثر ما أحبك تحولت حاقد.

ليت الوداع يموت لا جيت أودعك ولا نموت أثنين في وقت واحد.

بسيطة كل الم جسمي تحملته وأنا أضحك لك لكن الخوف يا يمه من إحساس سكن فيني يا حيف الطيب بالدنيا يضيع وينتهي عمره يموت الطيب يا يمه وأنا فقري يبكيني.

تبغاني أبتعد عنك وأجفاك وأنساك عطني مثل قلبك وأسوي سواتك.

أشكرك قلبك كبير مرهف أحساسك كثير أشكرك من كل قلبي بعتني والله بضمير.

أضحك مردك بيوم تواجه الدمعه إما على جيتي، ولا على فراقي.

أنا عمري بقايا شمع أحرقني الأسى والدمع إذا ما فيك ترحمني أحرق ما بقى مني.

كافي صدمات بحياتي جاي تصدمني بعد والله هالدنيا غريبه وش بقى فيها بعد ما بقى غير الجراح وقلبي اللي ما ستراح عادي متعود حبيبي حظي ياما طاح غلطتي الطيبه ذبحتني شوفها ودتني وين تضايق حيل منك وأضحك وقلبي حزين.

علامك مهملني.. وفي رفك أنا تذكار.. إذا كان الهدف بعدي.. أنا حاضر وممنونك.

خلقت لي شموخ وهامة ما طالها طويلين الأنفاس وكونت لي عرش رفيع مقامه ما يوصله جن ولا يوصله ناس ورفعت نفسي فوق هام الغمامة أشوف زلات البشر وأرفع الراس واليوم كلن خصني بأحترامه واللي معاديني بالأقدام ينداس.

تحسبني ميت عليك صدقني تراك غلطان.. أحبك أنا قلتها صحيح بس ترا وش كثرها بها الزمان.. هي كلمة مثل غيرها عند الناس صارت دايم تنقال.. أي نعم مني سمعتها بس تراني ما أعتبرها إلا زلة لسان.

سمعت نغمة رسالة قلت يا الله عسى خير وأنا ثلاث أيام محدن ذكرني فتحتها بلهفة من الفرح باطير وأقول يالله من اللي أفتكرني أثرها من الجوال يرسل فواتير هو الوحيد اللي أبد ما هجرني.

أبشرك ما عاد يوجعني فراق، وأقسى وجع فيني يزول بثواني.. عودت قلبي إذا حمل هم أو ضاق أرمي وما أسأل عن اللي رماني.. عودت نفسي للمتاهات ما أنساق.. ولا يسيل دمع عيني وأعاني.. خل الحياة أتروح والعمر أرزاق لا بد يوم يضحك لي زماني.

ما عدت أحن لشوفتك وأشتاق لك لو كنت تسوى بالوجود أعياني جيتك أبشر بالهجر خفاقك ممكن خفوقك منيتة هجراني أنا بحقق رغبتك بفراقك كرامتي عن عشرتك تنهاني البارحة أحرقت كل أوراقك ومحيت نجمك من سما وجداني.

أبشرك إني بخير قلبي من أوجاعه شفا والوضع عندي صار غير والجفن بالنوم أحتفا مشكور يا ذاك العشير أقولها وقلبي عفا يجزاك ربي كل خير والسعد لك حضن ودفا.

صدق الشجر واقف يموت بلا مطر وصدق القدر ماله مرد ولا فرار وصدق الصبر يضيع مني وذا فقر ومن ما صبر يشقى والشقى يذوقه المرار.

قل للعيون اللي شكت بعد الأحباب وقل للدموع اللي من الشوق هلت وقل للشعور اللي من الهم منصاب وقل للجروح اللي بالأحساس حلت وقل للخفوق اللي عجز عنه الأطباب ترى المشاعر من عنا البعد ملت.

شفت منهو تحبه صد من دونك إقرا علية الفاتحة وريح أعصابك قلة ترى الشمس ما وقفت على كونك يجيب غيرك أكيد الوقت اللي جابك حرام لا صد تسهر لجله عيونك لا عاش منهو لجور الوقت ضحى بك.

Source: Mawdoo3.com