شعر بدوي اصيل مكتوب

نُقدم إليك عزيزي القارئ عبر مقالنا اليوم من موسوعة شعر بدوي اصيل مكتوب ، وهو أحد الفنون المتواجدة في التراث الشعبي لدى الدول، وهذا النوع من الشعر مشهور للغاية، وهو يعتمد على اللهجة البدوية، وقد عُرف بالشعر النبطي، ويتم إلقاءه باللهجة المحكية على أهل نجد والحجار وغيرهم من أماكن البادية التي تقع في السعودية، سوريا، الأردن، العراق، وفلسطين.

وهناك الكثير من الموضوعات المختلفة الخاصة بالشعر البدوي، وهي تتنوع بين الاشتياق، والحنين، والغزل بالمحبوبة، وأيضاً يتحدث البعض منها عن الرجولة، والأخلاق، الأب، الانتصار على العدو، والبطولة، وغيرها من الموضوعات المختلفة المُتعلقة بالبدو، ويتسم هذا الشعر بقوة كلماته وتعبيراته المتميزة.

لذا سنطرح عليك عدد من القصائد الشعرية الموجودة بالشعر البدوي، فتابعنا.

شعر بدوي اصيل مكتوب

شعر بدوي عن الرجوله

للـــطيب مـــواقف وللــمرجلة رجاجيل     وللخيل فـــرسانها فــي ســاعة الشدّة.

وللبيوت أمــراس وللــقهوة الفنجاجيل      على مضايف نشامة لـــها رجـالٍ تعده.

حنا هل المواقف مواقف الشهم الأصيل    يشهد لنــا السيــف ويشـهد لنا حـده.

حنا نخــاوي الدنيا خـــوة نـجوم اللـيل      عــد الـــنواظر ما طـــاوعتــنا بـــعــدّه.

حنـــا الــنشامة يشـــــهد لنا دمٍ يسيل   نحر الذبـــايح دوم ساعة اللين والشدة.

حنــا النشامة وتشهد لنا سروج الخيل    ســـروج الركايب فـــزعة اللي نــوده.

حنـــا النشـــامة تشـــهد لـــنا الفناجيل  نســـهر لها ما حــنا مــكبّرين المخدة.

حـــنا الــــنشامة وتشــــهد لنا التعاليل   علي الخــوة تربينا وعلى حب ومودة.

حنا النشامة عند المرجلة فزعة رجاجيل   حنا على الميدان سيــلٍ لا طــــم ما تهدا.

حنا النشامة هـــل المــــــواعين المثاقيل  هل دلالٍ عامرة ما طفى نارها ولا هــدا.

شعر غزل بالعيون بدوي

ودّي بـك وأبيـك وأبـاك وأبـغـاك           جمّعتهـا لرضـاك واختـار فيـهـا

شف ويش منها يتبع أحكاك ورضـاك     واللي لك اسقـي مسمعـك لا ضميهـا

غديت (أفر) احكـاي وأساير أحكاك       وأنا تشّـرف لكنـتـي و اهتويـهـا

مضمونهـا ودّي بشوفتـك وأهواك        ياللي دروب أهل الـردى مـا تجيهـا

صانـك ولـي أمـرك وحبّـك وداراك        ولا قــدر ردع الحـظـوظ ومجيـهـا

نفسـك مهذّبهـا وعـز الله ربّــاك          ما يـدري أن جيـش الهيـام يغزيـهـا

الله قسم يبـلاك بـي وانـت يبـلاك      باللي سواتـي فـي العـرب يرتجيهـا

محبة (ن) ذربة من القلـب تكسـاك    محبـة (ن) صـدق الهـوى يكتسيهـا

يأمرك قلبـك بالوفـا لـي وتنهـاك          ناس (ن) على لامـاك تفـرك يديهـا

رزين عقـل ومـن مزايـا مزايـاك           نفسـك تحـب وعفـتـك تمتطيـهـا

تطيع عقل (ن) ما بعـد زل وأغـواك      مشاعـرك تعصـاه، وأنـت تعصيهـا

ما شفـت منّـك إلّا عيونـك ويمنـاك      محبـة (ن) راع الـرّدى مـا يبيـهـا

يقبـض فـؤادي لا تخيلـت فرقـاك         ياشف عين (ن) مـا سـواك يعنيهـا

شعر بدوي حزين عن الفراق

بديت لي بأبيات شعرن جديدات         وفوق السّطور أكتب بيوتن جدادي

أونست يا مشكاي بالصّدر ضيقات      وإن قلت راح الضّيق بالصّدر زادي

طرا عليّ اللي عيونه وسيعات           الّلي مشاركني بنومي وزادي

وما ظنّي أنسا الّلي رموشه ظليلات   وأنا ليا منه طرا وااااهجادي

قضيت مع خلي ليالي جميلات          أنا مفادي وأهو مثلي مفادي

وأخذت أنا ويّاه بالحب سجات           في عشرتن ماهي بعشرة فسادي

لكن حدتني في زماني غيارات         وعيا يحقق لي زماني مرادي

حبً وراه فراق ما فيه لذات             مثل البياض اللي غشاه السّوادي

وصحيح ما قال المثل والرّوايات         ما تعقب النيران كود الرّمادي

شعر بدوي عن الأب

يابوي جعلك للبقا والمكاسيب         عمري بدونك يالذرا ويش أبي به

يابوي تسأل عن شفاك المراقيب      طلعة سواتك للنوايف غريبة

ليه المرض مايعرف الزين والعيب؟     ما يدري أنك للمخاليق هيبة

أبسألك وش به غزا وجهك الشيب   والقلب لايع والنواظر شحيبة

وش بك تحاتي لانوى الموت تغريب   تخشى علينا بالليالي الكئيبة

خد دلتك واركى على مسند الجيب  وعطني شماغك بلثمه واحتمي به

ونروّح لأرض بها الشعب والطيب       وتسمع كلام بالغلا تحتفي به

يابوي بنتك لا أنحكى بالتجاريب      كل يشق لهيبه الصيت جيبه.