صينية لازنيا على الطريقة الإيطالية

اللازانيا نوع آخر من المعكرونة الإيطالية، وهي ذات شعبية كبيرة في مختلف بلدان العامل، كما أن طرق طبخها تختلف حسب كل منطقة بالإضافات المختلفة . تطبيق أكلة يقدم لك صينية لازانيا على الطريقة الإيطالية.
  • وقت التحضير :30دقيقة
  • وقت الطهي : 150دقيقة
  • عدد الاشخاص :12
اللازانيا نوع آخر من المعكرونة الإيطالية، وهي ذات شعبية كبيرة في مختلف بلدان العامل، كما أن طرق طبخها تختلف حسب كل منطقة بالإضافات المختلفة . تطبيق أكلة يقدم لك صينية لازانيا على الطريقة الإيطالية.

المقادير

  • 400xجرام جبنة ريكوتا
  • 350xجرام جبنة موزريلا
  • 12xعدد شريحة لازنيا
  • 8xعدد طماطم
  • 4xمعلقة كبيرة بقدونس طازج
  • 4xمعلقة كبيرة صلصة طماطم
  • 2xمعلقة كبيرة زبدة
  • 2xمعلقة كبيرة سكر
  • 2xعدد فص ثوم
  • 1.5xمعلقة صغيرة ريحان
  • 1xعدد بصلة
  • 1xعدد بيضة
  • 1xمعلقة كبيرة ملح
  • 0.75xكوب جبنة بارميزان
  • 0.5xمعلقة صغيرة بذور شمر
  • 0.5xمعلقة صغيرة فلفل اسود مطحون
  • 0.5xكيلو سجق شرقى
  • 0.5xمعلقة صغيرة ملح
  • 0.5xكيلو لحمة مفرومة
  • 0.25xمعلقة صغيرة روزمارى
  • 0.25xمعلقة صغيرة بردقوش
  • 0.25xمعلقة صغيرة زعتر
  • 0.25xمعلقة صغيرة أوريجانو

الخطوات

  1. هننزع غلاف السجق ونقطعه قطع صغيرة ونسيبه على جنب, وهنقطع البصلة لقطع صغيرة جدا ونفرم الثوم
  2. هنقطع الطماطم مكعبات ونضربها فى الخلاط مع نصف كوب ماء و4 معالق كبار صلصة طماطم.
  3. فى حلة هنسيح الزبدة ونضيف البصل والثوم ونقلبهم كويس لحد ما يدبلوا وبعدين هنضيف السجق واللحمة المفرومة ونقلب كويس لحد ما يتحولوا للون البنى.
  4. هنضيف عصير الطماطم ونقلب كويس.
  5. هنضيف السكر والفلفل وأوراق الريحان والشمر والبردقوش والروزمارى والزعتر والأوريجانو ومعاهم معلقة كبيرة ملح و معلقتين كبار بقدونس ونقلب كويس.
  6. هنغطى الحلة وتترك على نار هادية مع التقليب من حين لآخر ولمدة ساعة ونصف.
  7. فى حلة على النار هنضيف ماء ورشة ملح ونضيف شرائح اللازانيا بعد غليان الماء لمدة 8 دقائق وبعدين هنصفيها وتشطف بماء بارد.
  8. فى بولة هنخلط جبنة الريكوتا مع بيضة ونص معلقة ملح ومعلقتين بقدونس بمضرب بيض ونسيبها على جنب.
  9. فى صينية بايركس هنضيف كوب ونصف من صوص اللحمة ونفرشه فى الصينية وهنرص فوقيه نصف شرائح اللازانيا.
  10. هنضيف نصف كمية خليط الريكوتا والبيض فوق شرائح اللازانيا ونساويهم كويس.
  11. هنرص طبقة من شرائح الموزاريللا وفوقيها هنفرش كوب ونصف من صوص اللحمة وهنرش ربع كوب جبنة بارميزان.
  12. هنعمل طبقة كمان كما فى السابق وعلى الوش هنرص الكمية الباقية من الموزريللا والبارميزان وهنغطى الصينية بالفويل.
  13. تدخل الفرن المسخن مسبقا على 200 درجة مئوية ولمدة 25 دقيقة بعدها هنشيل الفويل وتترك بالفرن لمدة 25 دقيقة آخرى.
  14. تصبح جاهزة للتقديم بعد ربع ساعة من خروجها من الفرن وبالهنا والشفا..
Source: Ukkla.com

اترك ردّاً

لن يتم نشر عنوان بريدك الإلكتروني. الحقول الإلزامية مشار إليها بـ *