بالنسبة لمحبي مسلسل فريندز، عبقرية المسلسل أنه قادر يتواصل مع مشاكلهم وطبيعة الحياة اللي بيعيشوها رغم أنه مرّ علية أكتر من 25 سنة، ده غير أنه بيلمس جوانب كتير ليها علاقة بالشغل والحب الجواز واختيارات كل واحد فينا في كل مكان في العالم، عشان كده صعب يكون في مسلسلات أمريكية كوميدية أو اجتماعية تيجي بعده وتقدر تحتل مكانته في قلوبهم.
أغلب اللي بيحبوا مسلسل فريندز بيعيدوا حلقاته عشرات المرات من غير ذرة زهق أو ضيق، ولكن يمكن يحبوا ينوعوا شوية في المسلسلات اللي بيتفرجو عليها، عشان كده حاولنا نعمل تجميعة مختلفة- بناء على تفضيل شخصي بحت- من المسلسلات والسيت كوم، اللي بيغلب عليها نفس الطابع. (مجموعة أصدقاء، أو أسرة بتعيش في مدينة معينة وبيمروا بتجارب مختلفة).
لا تصبح حلقات مسلسل فريندز مملة مع مرور الوقت أبدًا، بل نجد أننا كلما شاهدناها نرغب في مشاهدتها مرة اخرى خاصة الحلقات المميزة التي تشعرك بالونس.
اقرأي المزيد ..
نتمنى اختيارتنا تعجبكم.. مشاهدة لطيفة ومليانة ونس.
Modern family (2009- 2020)
بعد فترة من الشعور بالملل، المسلسل ظهر لي على نتفلكس، فقولت أجرب!
في البداية، مكنتش مندمجة قوي مع الأحداث، او مرتبطة بالشخصيات، لكن مع مرور الحلقات كانت بتعجبني صفة أو أكتر في كل شخصية من شخصيات المسلسل، وإزاي محدش مثالي كلهم مليانين أخطاء، وتفاوت درجة الطيبة وحب الآخرين جوه كل واحد منهم، وإصرارهم على التجمع في المناسبات.
المسلسل عن عائلة كبيرة متوزعة على 3 بيوت هما محور المسلسل، البيت الأول للأب جاي برتشيت اللي بعد ما طلق مراته وبقى جد قرر يتجوز من جلوريا اللي من أصل كولومبي وعندها اين اسمه ماني، والبيت التاني لكلير ابنة جاي برتشيت وزوجها فيل دانفي وأولادهم لوك وأليكس وهالي، والبيت التالت لميتشيل ابن بريتشيت وحبيبه كاميرون والطفلة اللي تبنوها ليلي.
بعد فترة في المسلسل بنشوف إزاي عائلة بريتشيت عندها مشكلة في التعبير عن مشاعرها، وزوج كل فرد من العيلة دي بيكون قد إيه لطيف ومساند وبيعبر عن نفسه وبيكون في شكل من التكامل، وكمان بنلاحظ تغيرات واضحة في شخصياتهم كلهم لكن بيجمعهم دايما القرب من بعض والدعم اللي بيقدموه لبعض.. مشاهدة لطيفة.
أنجح 15 مسلسل أصلي من نتفلكس.
اقرأي المزيد ..
Seinfeld (1989- 1998)
[wpcc-iframe allow=”accelerometer; autoplay; clipboard-write; encrypted-media; gyroscope; picture-in-picture” allowfullscreen=”” frameborder=”0″ height=”315″ src=”https://www.youtube.com/embed/Rjd6A-MY6dY” title=”YouTube video player” width=”560″]
من أوائل مسلسلات السيت كوم، هو باسم مؤلفه والبطل جيري ساينفلد، اللي بيظهر في المسلسل بشخصيته ومهنته كستاند أب كوميديان، وبنشوف علاقته مع أقرب صديق ليه جورج كوستانزا، اللي بجد حكاية لوحده، من أول ردود أفعاله الغريبة على المواقف العادية اليومية، وكمان محاولاته دايما أنه يلاقي حبيبة وفرصه الضايعة في الشغل.
ومعاهم إلين، اللي كانت مرتبطة بساينفلد في وقت من الأوقات لكن فضلوا يكونوا أصحاب، وجار ساينفلد كريمر، وده شخصيته من أغرب ما يكون، عشوائي وتصرفاته غر محسوبة وليه ظهور مميز، ودايما لما بيكون على وشك انه يغرق في أكبر مصيبة تلاقيه بيكسب بطريقة ما، ميزة المسلسل أنه مش بيقول أي حاجة، هو بس بيورينا شخصية ساينفلد وكوميديته ويومياته مع أصحابه، لكنه ممتع ومسلي جدا.
How I met your Mother (2004- 2014)
ما بين محبي فريدز ومحبي HIMYM خناقات كتير، يا ترى أنهي أحسن؟ لكن في الحقيقة بشوف أنهم مختلفين، ومفيش داعي للصراع ده خالص يا جماعة، لأن رحلة تيد أنه يلاي أم أولاده لطيفة وجميلة جدا، وبتوضح إزاي رغبته في أنه يتجوز بدأت من خطوبة صاحبه مارشال لصاحبته ليلي.
قصة تيد في أنه يلاقي حبيبة وزوجة، بتخليه يعدي بعلاقات كتير بنعرف يها شخصيته وقد إيه هو طيب ولطيف وداعم، وكمان بتعرفنا على صاحبه المميز بارني، وروبن اللي في فترة كانت حبيبته وبعدها بقوا أصحاب لأن اختياراتهم في الحياة مختلفة، لغاية ما بيقابل صاحبة الشمسية الصفرا وتكون زوجته.
New Girl (2011- 2018)
إزاي بتتطور شخصية جيس من الاستسلام والحزن والقرارت المتهورة بسبب الحب، ووجودها وسط أصدقاء بيدعموها فعلا بعد خيانة حبيبها، ده اللي بنشوفه ع كل حلقة وموسم، من أول ما بتنتقل جيس لمدينة لوس أنجلوس وأنها تعيش مع 3 شباب- بيعترضوا في البداية على وجودها وبعدين بتكون جزء من حياتهم- وهما نيك وشميدت وونستون.
في حين أن كل واحد فيهم بيعيش أوائل التلاتينات بتساؤلات عن مستقبله وحياته، بيحاولوا يكونوا دايما موجودين في حياة بعض ويدعموا اختيارت بعض، ويحاولوا يحموا جيس من نفسها ومن أي حد، المسلسل مميز وبيجمع اختلافات كبيرة في مكان واحد وتحت سقف واحد، وبنشوف علاقات رومانسية ومحاولات للنجاح من كل واحد.
مشاهدة المسلسلات نشاط لطيف يُشعرنا بالتجدد وتغيير الموود العام، إليك قائمة بأفضل المسلسلات الأجنبية في التاريخ التي يُمكنكِ مشاهدة حلقاتها بشغف.
اقرأي المزيد ..
Brooklyn Nine-Nine (2013- 2021)
[wpcc-iframe allow=”accelerometer; autoplay; clipboard-write; encrypted-media; gyroscope; picture-in-picture” allowfullscreen=”” frameborder=”0″ height=”315″ src=”https://www.youtube.com/embed/xRnIeq_hHIg” title=”YouTube video player” width=”560″]
بصراحة، أنا متابعتش المسلسل لكن كل أصدقائي كانوا بيشوفوه وكان مسلسلهم المفضل للمشاهدة في أوقات كتير- وأنا بثق في رأي أصحابي- وبرشح لكم المسلسل اللي بتدور قصته عن جيك بيرالتا المحقق في الشرطة الأمريكية عن منطقة 99 بروكلين، واللي اتعود هو وزمايله أنهم يتعاملوا مع القضايا ويحلوها بالفهلوة ومن غير ما تنفيذ القوانين.
بيرالتا وزمايله كانوا بينجحوا فعلا وكأهم موهوبين بالفطرة أو ربنا بيسترها معاهم، لغابة ما بيجي مدير جديد ليهم، وهو ريموند هولت اللي بيحاول يغير طريقتهم ويخليهم يلتزموا يالطريقة الصح، ومع ده بنشوف علاقاتهم العاطفية والاجتماعية المسلية والمميزة والمضحكة كمان.
كلمونا عن المسلسلات اللي بتحبوها واللي ناويين تتفرجوا عليها في التعليقات.. ونتمنى اختيارتنا تعجبكم.
تابعوا هذه القائمة، لترشيحات مسلسلات خيال علمي مميزة ومختلفة.
اقرأي المزيد ..
شاهدوا هذه القائمة من المسلسلات الفرنسية لتجربة مختلفة وممتعة.
اقرأي المزيد ..
مجموعة صغيرة العدد من المسلسلات الأمريكية لكنها كبيرة في تأثيرها، إذا كنت ترغب في متابعة مسلسل من أفضل المسلسلات الأمريكية عليك البدأ بواحد من هذه القائمة.
اقرأي المزيد ..