غزل لابن فطيس

‘);
}

بعد ان ربح محمد بن فطيس الجائزه سارع بالاعلان عن تبرعه بكامل الجائزه وقدرها مليون درهم وذلك مناصفة بين ذوي الاحتياجات الخاصه بقطر وبين أطفال فلسطين .

ومن قصائده عن الغزل قال :

ماكني أعرفه.. ولا كني أبغيه وانا عليه من أمه.. آحب واجرا

ياكثرها تسليمته.. يوم ألاقيه لي عين تكتب له وله عين تقرا

وإن حل طاريّه تجاهلت طاريه ماكني أدرى عنه وانا به أدرا

بسكات يغليني وانا حيل مغليه لاتليفون.. ولا مواعيد غدرا

يصون ودي عن عذوله يحاميه وانا عليه احجا من القلب وأذرا

حبٍ عفيفٍ والصراحه سواقيه في وقتنا ماظنتي.. زيد يطرا

لااسولف بحبه.. ولاني بكانيه وغيري لوانه يوالفه كان هذرا

احشم قريبه.. حشمةٍ له وأداريه وأخشى يجي في خاطره شي وأدرا

لايحسب اني يوم قفيت ناسيه لعيونه إني.. ماتحليت عذرا

ليت الزمن يرجع وانا اعلمه ليه

وليت الحظوظ من المقابيل تشرا كل العذارى.. بالوفا ماتساويه

كنه اليمين.. باقي الغيد يسرا قولوا له اني ماارتضي بالبدل فيه

لامال قارون.. ولاعرش كسرا يرتاح ماغيره ملى عين هاويه

غلاه نهر النيل.. والقلب مجرا وأكبر دليل اني إذا غاب أحاتيه

وكتب أيضا ً في الغزل : 

بعض العرب حبه يوردك الجنون ولا يوصف له غلاه احكاك له

مايقنعه وصف الغلا لو وش يكون لو كل حرفٍ بالحرير يحاك له

الموت جاك وهو تقلبه الضنون ولا لك الا الصبر….وش وداك له

ان قلت ضايق..قال : هونها تهون مايدري ان ضيقتك له وبكاك له

تقعد تحبه وانت ساكت ومغبون يمكن بيوم يقال له ما اوفاك له

وكانك مشكك هو يمون .. او ما يمون تخيّل ان عفت الصبر فرقاك له

غلاه من فوق الغلا ماهو بدون وحكاه سمعك يجبرك بارخاك له

ودك تحطه فالعيون من العيون وتبسط على رمضى الثرا يمناك له

وتظله من الشمس في ظل الجفون ولا يمر اذنه سوا لباك له

وتسج من غيره لونهم يذكرون ومنين ما سجت القدم ممشاك له

فلو ٍ يميله الترف ميل الغصون غصن ٍ ليان ومكرمه بسقاك له

جديله الى اقفى ستر منه المتون كنّي بريحه لالتفت لدعاك له

يزها الملابس ..اي لبس ..واي لون وفالليل وجهه لا ظهر قداك له

كيك وعسل لكن ماهو في صحون ودعاك من عين الحسود اغطاك له

الله لا يعطيه ناس س ينضلون ويستر عليه من النحل لا ياكله

الوصف والتعبير في وصفه يخون غير اطلب الله يستجيب ادعاك له

وعذال قلبك في محبته يخسون سكينهم عن قطع حبله حاكله

ناس ٍ عن اعراض العرب ما يعرضون وحلوقهم دافع البلا متواكله

اللي من لحوم الاوادم ياكلون ودايم على نفس الشكل والشاكله

يدعيهم الشيطان للذنب ويجون هذا يقطع له وذاك يواكله

في سلمهم اولا بالاكل الاقربون واطيبهم اللي صيدته شكواك له

من جاك منهم لا تبّين له سنون واضرب يمينه لا بغى يسراك له

يا جعلهم فدوة ثر الغض الفتون اللي على الدرب الطويل اخطاك له

طيفه الى نام البشر زارك بهون وطيفك الى نام البشر سرّاك له

حبه دفان ومقبرة خضر الطعون بين العظام العوج كنكناكله