أشعار شهد الشمري

• ذات صلة
• شعر شهد الشمري
• من وضع بحور الشعر

‘);
}

الفهرس

Toggle

قصيدة هواي أحبك

هواي أحبك

هواي أحبك يا شمعتي يا صباح الله وفرحتي

ويا نظر عيني وكحلها ويا تراجيي وكَذلتي

من تغازلني اعلة نجم الحب أطير واترس الدنيا بضحكتي

والصبح لوما ضحكتك تكسر الخاطر غرفتي

وعودتني بصوت دافي وين يا عمري بدلتي

بيدي اشيكك واترك أنفاسي بقميصك وأخذ من الشبكة حصتي

وابقة اتاني واحسب الخطوة الرجعتك

ها وصل ها روحي فرحت يعني أجيت

والكاه بإحساسي عروس ودخلتك علبيت زفتي

ولمسة جفوفك تخلي إحساسي طير والكة ذرعانك شجرتي

وانسة كلشي واحجي كلشي

والكة شفتينك حنان الله علة شفتي

اويلي إذا زعلان شفتك باردة تبين جهنم من أقارنه بحسرتي

‘);
}

تدري هواي أحبك

هواي أحبك

موت أحبك

كومة أحبك

كله خل تسمع صرختي أني مجنونة غرامك

ويامة فضحتني رحلتي اكتب اسمك وانسة درسي

وكلشي ما أحل بورقتي وباقية لحد هذا عمري

وسولفت للناس قصتي وكشفت جرح الحقيقة

ونزلت أعلى الخد دمعتي انتة وينك

وك انتة وينك جاي أخابر فدوة جاوب عفية جاوب

فدووووة جاااااااااوب

الوووووووووووووووووووووووو

الشخص الذي طلبته خارج نطاق الحياة

يعني مات ماااات إي مات

وكلشي مات ابداخلي بهاي الحياة

وخلصت الرحلة الأليمة

ولفي بحضان المكَابر

واني وية الذكريات

عمري بحضان المكابر

واني وية الذكريات

قصيدة محتاجة كلــــــــش إلك

محتاجة كلش إلك يل الشاغل إنت الفكر

محتاجه إلك مو حجي وارتاح من ينذكر

هنياله من كابلك يا أحلى صورة شعر

محتاجه إلك ما تجي ما باقي شي بالعمر

زعلان؟ ليش الزعل زعلان إنه اعتذر

بس أرجع لخاطري صير على نحري عطر

صير على جفني كحـل حليني بين السمر

تعبني ذرف الدمع بس ما طفالي الجمر

ركان في داخلي ويا خوفي لا ينفجر

شمأخرك ما تجي مـا ظل إلك كل عـذر

اهلال جرحك كمل إي كمل وأصبح بدر

صدكني حيل اتعبت حبك عسر مو يسر

اترجيت وتوسلت بيك شكثر وشكثر

ما فاد بيك الرجه وجبرتني لهل امـر

ما بعد اضلن شهد خليك مني حذر

واحجيه لا تستحي كول إنت طبعك غـدر

حبك تحية صبح ما تلفض بالعصر

روح وبعد لا ترد شي عادي صار الهجر

الما عرف معنى العشق ما بعد احطله كدر

جانت درجتك ألف بس هسه صارت صفر

مشكور سهمك مشكور سهمك وصل مشكور ما قصرت

مو إنت اول جرح كبلك جرحني الوكت

وجنت اطمع بطيبتك وإنت بدموعي طمعت

وإنه اتخذتك أخو جا ليش بيه اخذلت

وتكول عني أخطئت فهمني بيش أخطئت

واحسبني أخوك وخطأ تخسر لون سامحت

وإنه اعتذرت شكثر عالماكو وتوسلت

وطخيت إلك هامتي وبزايد تكبرت

لتصير غيمه بسمه يلي بدليلي اثبتت

ومن دون ربح وطمع منك شفتني طلبت

شمعه إنه في رقتي وبطيبك تلذذت

تحركني نارك حرك وكبال عينك ذبت هلبت

كسر خاطرك حالي وعليه شفقت

أدري بضميرك عدل معقوله انت المتت

معقوله كلبك جلد وبطيبك إنه وهمت ضليت

أشك بالعقل بس بيك ما شككت

خليني أحس بالألم بس كونك إنت فرحت

أدري الزمان أضلمك وبرأسي رأسك خذت

ولهسبب عاذرك حاسبني أخوك ومنت

ما حسبتني انذبح أدريك ما حسبت لو حسبت

جا كلت هسه إنت ليش عركت

يل تستحي من الهوه لو كابلك دنكت

وهذه الكتلني قهر بس بسهم نيشنت وبجرئه صبت

الهدف لمن عليه سددت

مشكور سهمك وصل مشكور

قصيدة لو كبل

لو كبل ملتقيه بيك ولو كبل شايفتك أني

جا وهبتك كل حياتي إحساسي وجفوفي وحناني

جاصرت شامه على خدك ما تعوفك لو ثواني

يعني أصيرن اولى عندك لان ما أقبل بثاني

لا تقربلي المسافة ولا تعيشني بأماني

الشمع لو ذاب يخلص كدره بخدود الصواني

ما تدك بابي السعادة على حساب إللي تعاني

فدوه تفهمني أشكلك؟ شخصك اتأخر أجاني

لا هو ذنبك لا هو ذنبي…. بس ذنب وكتي وزماني

ابتعد من عندي وارحل غيري منتظره وتتاني

وإنه ما أحب الشراكة حتى لو كلمه بلساني

وإنت كافي تلوم بختك.. جيف بختك ما حواني

عيش بأحضان التحبك.. حتى لو كلبك هواني

الكم اتمنى السعادة كلبي بالحب مو أناني

احنه في مسك الختام والنه ما تحلى التهاني

الكم اتلوك البعضكم يعني ما ارهملك اني

قصيدة نسيتك

نسيتك اي نسيتك وانتهى الشوك

وبهاي القصيدة اتذكريتك

أمس بأجمل قصايد جنت أناغيك

ودلال أطفال بيهن دلليتك

ألف كلمة أحبك كاتبه عليك

وكتبت اليوم عنك بس هجيتك

فوك الرأس شلتك شفتك إنسان

ورميتك من فلا تسوه لكيتك

دفتر حسبيتك منكتب بيك

جنت ما أشوف لمن صفحيتك

اثاري بورقتك كتبوا دواوين

وإنه آخر ظرير إلي اشتريتك

أسود من ضميرك ثاري ماضيك

وبمرود مذلتك كحليتك