ازاي تعبر عن حبك بطرق مختلفة غير كلمة بحبك؟

كلمة “بحبك” هى أقوى اعتراف وتصريح عن مشاعر الحب تجاه الشريك. لكن مش هى الكلمة الوحيدة اللي بتعبر عن الحب، في غيرها طرق كتير أوي وكلمات تانية بتعبر عن مشاعرنا لما بنحب. ويمكن في وجود الطرق دي كلمة بحبك ماتتقلش أصلا! فلو مش بتحب تقول “بحبك” أو مابتعرفش تقولها، دي طرق وأفكار عشان تظهر حبك ومشاعرك لشريك حياتك…

1- الأمان

الإحساس بالإمان مع الطرف التاني يمكن يكون شعور أقوى كتير من كلمة بحبك، كل حد فينا محتاج يحس أنه بيطمن مع اللي بيحبه، ومآمن له. عشان كده الأمان أحد أهم طرق التعبير عن الحب. لازم تدي إحساس لحبيبتك/حبيبك أنه معاك في أمان، بمعنى أنك تكون بير أسراره، وتحافظ على مشاعره وماتستغلش مواطن ضعفه أبدا مهما حصل.

[wpcc-iframe allowfullscreen=”” class=”giphy-embed” frameborder=”0″ height=”271″ src=”https://giphy.com/embed/13P6CFuaPKvQpq” width=”480″]

via GIPHY

2- التشجيع

لو مش بتعرف تقول كلمة بحبك، شجع اللي بتحبه على أنه يبقى أحسن، أنه ينجح، أنه يحبك أكتر. التشجيع في أي علاقة عاطفية دليل قوي على الحب، لأنه بيخلينا نحس باهتمام الحبيب، وحرصه أن حبيبه يكون أحسن حاجة. والتشجيع مش بس في الحياة المهنية أو الهوايات، لأ، أنت ممكن تشجع شريكك أنه يبقى أحسن في حياته، في علاقته بأسرته، أو علاقته بيك. في العموم التشجيع بيحتاج ناس بتحب بجد عشان تقدر تعمل كده مع اللي بتحبه من قلبها.

اقرئي أيضا: البريك في العلاقة العاطفية… قرار صح ولا مؤذي؟

[wpcc-iframe allowfullscreen=”” class=”giphy-embed” frameborder=”0″ height=”271″ src=”https://giphy.com/embed/sFWDp31gcfPSo” width=”480″]

via GIPHY

3- الاهتمام

طلع بيتطلب عادي، بس هنا مش هيتطلب، لأنه بدل كلمة بحبك. فلو عايز تعبر للطرف التاني عن حبك، اظهرله اهتمامك. بينله أنك مهتم بتفاصيله وبأي حاجة بيحكيها. شاركه اهتماماته الشخصية حتى لو مش بتحبها أوي. خليه من أولوياتك، وخليه واثق أنه حد مهم جدا في حياتك. بس خليك دائما حريص أنك تظهر الاهتمام من غير اختراق المساحة الشخصية للطرف الآخر.

[wpcc-iframe allowfullscreen=”” class=”giphy-embed” frameborder=”0″ height=”270″ src=”https://giphy.com/embed/l4FGtz37fu5XjbqN2″ width=”480″]

via GIPHY

4- التقدير

يااااااااااه يا عبدالصمد! التقدير مش بيخسرنا كتير ولا حاجة، بالعكس ده طريقة واضحة وصريحة للتعبير عن الحب. لأن من غير التقدير علاقات كتير ممكن تبوظ. اظهر لشريكك قد ايه أنت مقدر كل حاجة بيعملها عشانك، مكاملة تليفون في وسط يومه، رسالة ضحكتك، أو هدية حلوة أو حتى موقف صغير عدى عليه بس كان فارق معاك. اتكلموا مع بعض وعرفوا بعض قد ايه مهم المجهود اللي كل واحد بيبذله عشان العلاقة تبقى أحسن.

[wpcc-iframe allowfullscreen=”” class=”giphy-embed” frameborder=”0″ height=”269″ src=”https://giphy.com/embed/MShDF8LlzBUxLVobDS” width=”480″]

via GIPHY

5- قدمله هدية

مافيش مناسبة معينة أو وقت محدد مناسب للهدايا، بالعكس الهدايا اللي بتيجي فجأة بتبقى أحلى كتير من بتاعة المناسبات. ومش شرط تبقى مرتب تجيب هدية، ممكن جدا تكون شوفت حاجة وحسيتها مناسبها لشريك حياتك وقررت تجيبهاله، قد ايه هتفرحه! حاجة بسيطة لكن بتعبر عن الحب والاهتمام بشكل كبير.

اقرئي أيضا: ما هى طبيعة العلاقات الصحية

[wpcc-iframe allowfullscreen=”” class=”giphy-embed” frameborder=”0″ height=”326″ src=”https://giphy.com/embed/LM2RLNHIEQ3Ukl1rkY” width=”480″]

via GIPHY

6- اسمعه

ساعات كتير مابنبقاش محتاجين غير أن حد يسمعنا. عشان كده فكرة أنك تسمع الطرف التاني بس تعتبر طريقة رائعة للتعبير عن حبك. حاول تفهم شريكك وتديله مساحته وتسمع كل اللي جواه، من غير ما تصدر أحكام أو تحاول تديله نصايح. من الآخر كلمة السر الاحتواء.

[wpcc-iframe allowfullscreen=”” class=”giphy-embed” frameborder=”0″ height=”240″ src=”https://giphy.com/embed/9V1Ivo1EcRyKrhIibF” width=”480″]

via GIPHY

7- الثقة

كل حاجة بتتغير لما حبيبك يثق فيك، والعلاقات العاطفية الناجحة بتتبني على الثقة بين الطرفين. عشان كده حاول دايما تبني جسر من الثقة بينك وبين اللي بتحبه، ومش بس تخليه يثق فيك، لأ أنت كمان اظهرله قد ايه أنت واثق فيه ومآمن بقدراته وعارف أنه أحسن شخص في الدنيا.

[wpcc-iframe allowfullscreen=”” class=”giphy-embed” frameborder=”0″ height=”275″ src=”https://giphy.com/embed/l0NwvMZfdtZpgpt2U” width=”480″]

via GIPHY

اقرئي أيضا: حاجات تاخدي بالك منها لو هترتبطي براجل أصغر منك

ليه المفروض مايبقاش عندك ريليشن شيب جولز

8 خطوات للتعامل مع الشريك الغارق في الإنسكيورتيز