كلمات ياهاجسي هات الجزيل

شيلة يا هاجسي هات الجزيل، هي شيلة من الشيلات الشهيرة، يقوم بأدائها ماجد الرسلاني، يتم غناؤها لجنود المملكة، وفيما يلي كلمات الشيلة مكتوبة .

شيلة يا هاجسي

ياهاجسي هات الجزيل
وده على اللحن الجميل
شعرك له وزن ثقيل
والخيل من خيالها
ياماجد اسجع باللحن
اطرب مسامعنا وغن
الليله فرحتنا علن
ويلان عز رجالها
بالصوت ياصوت عنزه
جتك الجزيله من جزا
ابيات شعر معنزه
شاعرك تركي قالها
في حلة رجال الوفا
اهل النقا واهل الصفا
يامرحبا باللي لفا
بقلوبنا منزالها
يا مرحبا باللي حظر
باعداد م هل المطر
في حلة رجال الظفر
اللي ينوم حثالها
ويلان ياقوم الكرم
اهل المعالي والشييم
قبيلتن مثل العلم
من فوق روؤس جبالها
ربعي هل السيف الصقيل
ربعي مزبنة الدخيل
ويلان لاشب الفتيل
تاطا على عيالها
صقور بالجو اعتلت
وسباع لامن نزلت
بالمجد دايم جملت
شيابها وعيالها
ياويل منهو ضدنا
يا سعد منهو بحدنا
من فيه منهو ندنا
يامن جهلت افعالها
من ماضي العهد القديم
ناطا على ابليس الرجيم
واللي جهل فينا غشيم
افعال قبل اقوالها
تاريخنا يشهد لنا
يوم النحاسي فوقنا
ذي قار ياجاهل بنا
تحكي لكم ابطالها
من الجنوب الى والشمال
افعالنا مثل الجبال
ويلان ياعز الخصال
اللي يظلك جالها
واليوم في ضل السعود
حكام للدوله اسود
حنا لهم بالعوج نود
ياويل منهو جالها
حنا جنود المملكة
اسود وسط المعركه
ماهي سوالف فبركه
نموت دون رمالها
حنا الجبال الراسيه
حنا الاسود الضاريه
هاماتنا به عاليه
وحدودنا من طالها .

شيلات مكتوبة

1- شيلة حبيت أحيي الوطن

حبيت احيي الوطن ووجه الشاره
للقايد اللي رفعت اسمه ومقداره
لاقلت سلمان ن الزيزوم اخو نورة
درع الوطن عزوته وحماه وستاره
احب من ينطرى ذكره على سمعي
واقرب لصدري من انفاسه من ازراره
حبيت فيه الوطن لان الوطن منه
حيا على موطني حامي حمي داره
حيا على البيت الاطهر كل ماهله
سحابت من عيون المزن مدراره
ارضي وعرضي ومقداري ونوماسي
فخري وعزي وراس المجد وشعاره
بيض القلوب ان تهاوت فيك معذوره
ومن يعتزي في وطنى ناخذ بثاره
حنى زرعنا القلوب المخلصه فرضك
وانتبت رجال لهم ف المعضله غاره .

2- شيلة أنا سعودي

ايه انا سعودي واحب السعوديه
اعشق المملكه واحب اراضيهااا
ديرتي ديرتن ماهي بعاديه
ياعسى الله يحفظها ويحميها
ديرتن بامر رب الكون محميه
دام قبر النبي وارض الحرم فيها
مهبط الوحي واياتن سماويه
نرخص ارواحنا وبالعمر نفديها
تحت حكم الملوك ان ثارت الهيه
نشعل النار لايمكن نطفيها
ان رضينا تجيك نفوس مرضيه
ومن طلبنا له الحاجات نقضيها
وان زعلنا تجينا الفين جنيه
نقلب الارض فوق اللي يعاديها
للوطن بين خياله ورجليه
وروحنا دون حد الدار نهديها
وبالكرم والمراجل نارنا حيه
نحفظ الجار وحقوقه نوفيها
والخوي حاجته بالطيب مقضيه
لجله الروح نتعبها ونشقيها
وحبنا للوطن فطره إلـٓهيه
روحنا بين حاضرها وماضيها .

3- شيلة عاش السعودي

عاش السعودي بعزه والسعودي كفو
يرخص حياته لاجل ديرته وترابها
يا طالبين العفو ماعاد فيها عفو
واليوم دارت على ايران واذنابها
واللي جحدوا فضلنا ولا اسكتوا واكتفو
اصحاب لكن تدور طيحة أصحابها
حنا صفينا وهم من صوبنا ما صفوا
عقب الرخاء دارهم ينعق بها غرابها
حنا نبي عزهم حتي لو انهم هفو
وقلوبهم من حسدها تكره اقرابها
ما عاد نسمع لهم حتى ولو حلفوا
تبقى الحييا تشيل السم با انيابها
كم مرة ضدنا تامروا واهتفوا
ندمح لهم زله ما نعرف أسبابها
واللحين وقت الحزم ان كان هم ماعرفوا
يدرون لاضاقت ولا صكت أبوابها .

4- شيلة زلزلة

ايه زلزله انتم كنوق للعرب سيطره
شوشو على القمه طرب مفخره
يا حرب يا حرب الدول دول دول
نوخ ركابك يا القصيد ما دام بالدعوه تعيد
هات الجزايل والجديد لعيونهم حرب الدول
لاجل القبيلة كلها وسط الجزيرة كلها
ولكل حرب يهلها يا حرب يا حرب الدول
يا حرب ومن العايدين وبكل عام فايزين
بالطيب والعلم السمين يا حرب يا حرب الدول
أعيادكم انتم حرب انتم كنوق للعرب
شوشو على القمة طرب ياحرب يا حرب الدول
انتم هل الفعل العديم لاخصامكم سمٍ و ضيم
كم غازي عود هزيم يا حرب يا حرب الدول
يوم الجزيرة والعه فيها المعارك دالعه
كل القبايل دامعة من جال مرهبة الدول
لا من حضرنا للنزال ما للخصومه يم مجال
ترج عن الهقوة ظلال يا حرب يا حرب الدول
سيوفنا وقت اللقاء تروى من نحور العدا
الين يرضخ لامرنا يا حرب يا حرب الدول .