كيكة القرفة من أطيب الكعكات حيث تتميز بالطرواة والمذاق الشهي، فهذا ما يخطر على البال عندما يقول أحدهم كيكة القرفة، يمكن أن تتناول قطعة من هذا الكيك مع كأسٍ من الشّاي وسيعوّضك عن وجبة الفطور، أو كوجبة خفيفة تشبعك لساعات. في هذا التطبيق سنذكر طريقة تحضير الكيكة.
المقادير
- 2x كوب سكر
- 2x عدد بيضة
- 2x كوب دقيق
- 1.5x كوب سكر (بنى)
- 1x معلقة صغيرة باكينج صودا
- 1x معلقة صغيرة فانيليا
- 1x كوب لبن رايب
- 1x معلقة صغيرة قرفة (مطحونة)
- 0.5x معلقة صغيرة ملح
- 0.5x كوب زبدة (فى درجة حرارة الغرفة)
الخطوات
- هنسخن الفرن على درجة حرارة 180 مئوية.
- هنجيب صينية متوسطة وندهنها بمادة دهنية.
- فى بولة كبيرة هنضرب الزبدة والسكر كويس جدا لحد ما الخليط يتجانس.
- هنضيف البيض والفانيليا ونستمر فى الخفق.
- فى بولة تانية هنخلط الدقيق والباكينج صودا والملح والأفضل ننخلهم مع بعض.
- بالتدريج هنضيف القليل من الدقيق واللبن الرايب على خليط الزبدة ونقلب كويس جدا ونستمر حتى نفاذ الكمية.
- هنصب الخليط فى الصينية.
- هنخلط السكر البنى والقرفة كويس جدا وهنرشهم على وجه الخليط.
- هندخل الصينية الفرن لمدة 40 دقيقة وبكده تصبح جاهزة للتقديم.
