- 3x كوب ماء
- 1.5x كوب دقيق
- 1x معلقة كبيرة خميرة
- 0.5x كوب سميد (ناعم)
- 0.5x معلقة صغيرة باكينج بودر
- 0.5x كيلو قشطة (طازجة)
المقادير
الخطوات
- أول حاجة هنخلط الدقيق والسميد والخميرة والباكينج بودر مع بعض كويس جدا والأفضل ننخلهم.
- بعد كده هنضيف كوب ماء ونقلب كويس جدا وبعدين نضيف كوب تانى ونقلب وبعد كده هنضيف أخر كوب ونقلب كويس.
- بعد كده هنغطى البولة ونسيبها ساعة علشان العجينة تخمر.
- هنسخن طاسة على النار وهنصب عليها العجين بأى معيار على حسب المقاس اللى عايزينه.
- اول ما يظهر على العجين فقاقيع كتير واللمعة بتاعته تروح كده تبقى القطايف استوت.
- هنفرش القطايف على صينية تبرد وبعد كده هنحشيها بالقشطة وهنقفلها بالضغط على الأطراف وممكن نرش عليها فستق مبشور وعسل وبكده تبقى جاهزة للتقديم.