القرص الفلاحي من أنواع العجائن التي تعرف في المطبخ المصري ،ويمكنكي إعداده في المنزل لهذا تطبيق أكلة أحضر لكي عزيزتي طريقة تحضير القرص الفلاحي.
المقادير
- 200xجرام سمن
- 2xمعلقة كبيرة قشطة
- 2xمعلقة كبيرة خميرة
- 1xمعلقة صغيرة ملح
- 1xكيلو دقيق
- 1xمعلقة كبيرة سكر
- 0.5xكيلو لبن رايب
الخطوات
- نسخن السمن علي النار يسيح فقط من غير ما تقدح
- نضيف الخميرة والملح والسكر علي الدقيق ونخلطهم مع بعض
- نضيف السمن للدقيق ونخلط كويس بايدينا زي ما نبس الكحك
- نضيف اللبن الرايب ونعجن كويس جدا لمدة 10 دقايق علشان تكون النتيجة افضل
- نغطي العجين بقطعة قماش نظيفة و توضع في مكان دافي علشان تتخمر لمدة ساعة
- نبدا نكور العجينة بالحجم اللي نفضله وبعدها نفرد كل كورة علي شكل دائرة ونخليها سميكة شوية
- نسيب القرص ترتاح كمان نص ساعة وبعدين تخبز في فرن حار علي درجة حرارة 200
- بعد ما تخرج من الفرن ترص فوق بعضها وتغطي بقطعة قماش علشان تفضل طرية وبالهنا والشفا